Pagoeta M.E.

Eguna: Apirilaren 26a

Ordua: 19:00

Lekua: Pagoeta MEren egoitza

2023ko apirilaren hasieratik uztailaren erdialdera bitarte, Miren Karmele Uranga eta Antton Gurrutxaga pagoetakideek bizikleta-bidaia egin zuten Mediterraneoaren iparraldetik. Hainbat herrialde zeharkatu zituzten, ondare natural, historiko eta kultural handiko inguruetatik. 97 etapatan, 6.300 km egin zituzten.

• Katalunia: Lleida – Santa Maria la Mar (400 km) 
• Okzitania (Languedoc, Proventza, Piemonte): Narbona – Vinadio (640 km) 
• Italia (Piemonte, Lombardia, Emilia-Romagna, Veneto, Friuli): Vinadio – Trieste (980 km)
• Istria – Dalmazia (Eslovenia – Kroazia): Pirano – Dubrovnik (960 km) 
• Montenegro: Bijela – Shkodër (200 km)
• Albania: Shkodër – Konispol (480 km)
• Grezia: Sagiada – Atenas – Patras (1.350 km)
• Patras – Ancona (ferrya)
• Ancona – Civitavecchia (330 km)
• Civitavecchia – Bartzelona (ferrya)
• Bartzelona – Zarautz (890 km)

Iguzkitza herritik abiatuko gara, eta, Labeagara iritsi aurreko bidegurutzean, ezkerretara joko dugu. Kanposantuaren ondotik igaro eta PR NA 186 bidetik segituko dugu, San Salvador iturrira iritsi arte. Argi seinalatua dagoen bide batetik igoko gara Deioko gaztelura (860 m). Gailurrera iritsi bezain laster, haitzaren gainean eraikita dagoen dorrea ikusiko dugu. Ikuspegi ederra dugu bertatik, Montejurra ekialdean eta Lokiz ipar-mendebaldean. Gaztelua X. mendekoa da. 908an, Banu Qasi leinuaren eskuetan zegoela, Antso I.a Gartzeitzek konkistatu zuen. Kondairaren arabera, erregea bertan lurperatuta dago. Gaur egun, hareharrizko horma zaharrak eta ur-tanga zaharra
baino ez dira geratzen, ganga-formako sabaia duen etxe baten barruan. Harresien barnean, gerora eraikitako ermita bat dago. Omenaldi-dorrearen hondarrak ere badaude. Aldapa piko batetik jaitsiko gara Villamayor de Monjardin herrira. Donejakue bidearekin bat egin eta Azketa herrira joango gara. Errepidea gurutzatu ondoren, aldapatxo batzuk igo eta La Purisima ermitara helduko gara. Iguzkitza herria izango dugu begien bistan, non gure ibilaldia amaituko dugun.

Distantzia: 14 km

Igotzeko desnibela: 483 m

Denbora: 4-5 ordu

Zailtasuna:  Erreza, eta ez du zailtasun teknikorik

Irteera: Agoues biribilgunean, goizeko 7:30etan. 

Ohi bezala, Mendizabal kinkila-dendan eman dezakezu izena, apirilaren 26ra arte.

Gurekin izango zarelakoan, ondo izan.

Batzordea

Aurten, 21.aldia izango da Beteranoen ibilaldia ospatuko dela. Aurten Urbasako Pagadi Xarmanta izango delarik

Autobusak parkinean utziko gaitu eta hemendik hasiko dugu 4km neurtzen duen ibilbidea. (100 metro desnibela).  Marra zuri eta berdeak jarraituz joango gara bidean zehar elkarrekin. Momentu batean ezkerretara artzainen txabola bat ikusiko dugu eta bere alboan ikatza egiteko tontor bat. 

Bidea aurrera jarraituz, 2 km ingurura, lehenengo harriak ikusiko ditugu; handiak eta forma berezikoak dira (animaliak zein naturako izakiak irudikatu ditzakegu). Leku zoragarria da eta bertan argazkiak atera eta irudimena lanean jartzeko aprobetxatu dezakegu. 

Nahi duenak ibilbide honi jarraipena eman diezaioke, beste 8 km joan-etorria eta,  250 metro desnibela duen ibilbidea osatuz

Animatu irteera hau egitera. Bata eta bestea, ederrak dira eta!

IRTEERA: 8:30tan Agoueseko biribilgunean, eta ondoren Iñurritzako autobus geltokian. 

PREZIOAK:  Autobusa: 10 euro.

Bazkaria: 30 euro. 

IZEN-EMATEA: Pagoeta Mendizale Elkartean, apirilaren 17 eta 18 an (18:30-20:00 bitartean). 

Goñi eta Olloko haranak ez dira oso ezagunak, baina beren lurrak hedatzen diren Andimendiko goi-lautadetan jende andana ibiltzen da oinez zein mendiko bizikletaz. Batik bat Beriaingo gainean dagoen San Donato baseliza izan da horien guztien jomuga, baina azken urte hauetan gertu dagoen Olibesarioko saroian kokatu duten Euskal Herriko erdigune geografikoa dela eta, zonalde honek interes berezia piztu du eta mendizale askoren erreferentzia geografikoa eta sinbolikoa bihurtu da.

San Donato baseliza Nafarroako Sakana eskualdean dagoen Uharte Arakil udalerriko lur-sailetan dagoen baseliza da. Zehazki, Beriain mendiaren gailurrean dago, 1.493 metroko garaieran. Jende askok modu okerrean Beriain mendiari San Donato mendia ere deitzen dio, mendi honen gailurrean dagoen San Donato baselizarekin nahasturik. eraikina bi zatitan banatuta dago: bata, baseliza bera, eta bestea mendizale eta ibiltarientzako aterpea dena.

Antzinako baselizaren eraikitze data zehatza ezezaguna da; dena dela, 1642 urteko aipamena dago. Egungo garaietan, berriz, eraberritu izan zen 1906an. Geroago hondatuz joan zen, harik eta 1958an berreraiki zuten arte. 2005. urtean eraikinaren barnealdeko egoera tamalgarria zela eta (zikinkeria, idazki eta margo politikoak, zaborrak, bertaratutako batzuen utzikeria…) zaharberritu egin zen. Horretaz gain, kontutan hartu beharrekoa da baselizaren kokapena: ingurune isolatua, garaiera handian, baldintza klimatologiko gogorrak… guzti hauek denek baselizaren kanpoaldea denbora igaro hala asko kaltetu zuten. Baselizaren barrenean, aldarearen harriak San Donato eta San Kaieten irudiak eusten ditu, bi hauek izatez igeltsuzko erreplikak direlarik. Nafarroako baselizetan altuen dagoena da Beriain mendiko hau.

Euskal Herriko erdigune geografikoaren kokalekua aurkitzea ez da batere erraza ,bide nagusitik ez baita ikusten eta erne ibili behar da Olibesariko saroira iristean zutarri baten inguruan jarrita dauden hiruzpalau zirkulu zentrokidez osaturik dagoen erdigunea topatzeko. Paisaia aldagaitza, harriz eta belarrez osatutako izaera soila. Goi-lautadan altzoa dirudien sakonunea, isiltasuna nagusitzen den leku berezia.

Erdigunea kalkulatzeko masa zentroaren propietate bat erabili zuen Felix Isasa ingeniariak: gorputz bat edozein puntutatik zintzilikatzean, puntu horretatik marraztutako marra bertikala masa-zentrotik pasatzen da beti. 1:200.000 eskalako mapan komertzial bat euskarri batean itsatsi, bertan Euskal Herriaren mugak marraztu eta ahalik eta zehaztasun handienaz moztu zuen. Ondoren, perimetroko puntu batetik zintzilikatu eta marra bertikala marraztu zuen. Berdin egin zuen lehenengotik 90 grafdura kokatutako perimetroko beste puntu batetik. Marraztutako bi marrak elkartzen diren puntua maparen barizentro edomasa-zentroa da. Puntu hori dagoen maparen zatia 8 aldiz handitu zuen, 1:25.000 eskalako mapa lortuz eta handitutako mapa hori inguruko katastroko mapan gainezarri zuen, erreferentzia bezala Unanu, Ihabar eta Goñi herriak erabiliz. Erabilitako metodoak 250 metroko zehaztasun muga du. Kalkulua egitean Euskal Herriko zazpi herrialdeak izan zituen kontuan, Trebiñu eta Villaberde Turtzioz bezalako barrendegiak barne hartuz, ez hala Petilla Aragoi eta Eskiula. Kostari dagokionez, itsaso irekia ez den guztia barne hartu zuen, hau da, badiak, portuak, ibaiak… Petilla Aragoi barne hartuz gero 112 metroan aldatuko litzateke erdigunearen kokapena eta Bilboko portua (17 km²) kanpo utziz gero berriz 90 metroan. Aldaketa horiek aurrez aipatutako zehaztasun mugaren (250 metro) barruan daude. (Informaio iturria: Wikipedia).

Irteera: Agoues biribilgunean, goizeko 7:30an. 

Bazkide hori:

Martxoaren 15ean, Gipuzkoa kaxkoz kaxko egitasmoa aurkeztuko digu Daniel Txoperena zarauztarrak. Pagoeta MEren egoitzan izango da, 19:00etan. Danielek berak honela animatu nahi zaitu bere lana ezagutzera:

“600 tontor inguru. Horiexek dira Euskal Mendizale Federazioak Euskal Herrian izendatuak dituen gailur nagusiak. Eta horiek guztiak ibilbide zirkular bakar batean lotuko bagenitu? Milaka kilometro, tontor guztiak igo ahal izateko, “kaxkoz kaxko”. Afrikako esaera zahar batek dioenez, elefante handi bat jateko era bakarra koxka txikitan omen da. Horrela, Gipuzkoa kaxkoz kaxko helburu erraldoi horren lehen urratsa dugu. Gipuzkoako 120 gailur, 780 kilometrotan. 21 etapa luze edo 42 etapa lasaiago, zeuk aukeratu. Animatzen?”

Hori ba, anima zaitez, eta zatoz martxoaren 15eko emanaldira.

• Gailurrez gailurreko ibilbidea etapaka bideoa (Relive)
• Ibilbidearen GPX fitxategi guztiak Wikiloc-eko Txopinko# erabiltzailearen atalean dituzue. Hona hemen ibilbidea egiteko bi modalitateak:
  • Gipuzkoa kaxkoz kaxko 21 etapatan
  • Gipuzkoa kaxkoz kaxko 44 etapatan, edo “Kroketa bidea”

Etapa bakoitzak bere GPX fitxategia ere badu. Adibidez: Kroketa Bidia 1-Zarautz Zestoa

Zorionak, Daniel, egindako lan bikainagatik, eta eskerrik asko!

Izen ematea bete egin da

eskerrik asko

Elkarteak antolatutako hurrengo irteeraren berri ematera gatozkizu: Martxoaren 10ean izango da, , eta  Gipuzkoa eta Nafarroako mendietara joango gara, Otzaurteko ingurutara.

Distantzia: 14 km inguru

Denbora:  6:00 ordu inguru

Zailtasuna:  Erreza, eta ez du zailtasun teknikorik

Irteera: Agoues biribilgunean, goizeko 7:30an. 

Ohi bezala, Mendizabal kinkila-dendan eman dezakezu izena, martxoaren 8rarte

Ondo segi,

Batzordea

Milany, Santa Magdalena eta Puig Bellet mendilerroak, Kataluniako ipar ekialdean kokatzen diren naturgune aipagarriak dira.

Batzuk aurre Pirineo bezala izendatzen dute.Gehienez 1500 mm-tako,kareharriz eta konglomeratuzko mendiak dira basoz inguruatuak. Ripolles eta Garrotxa artean kokatzen da.

Azpimarratzeoa da lurraldearen ezaugarri hezea, Europa erdialdean hain nabarmenak diren hostogalkorren basoak garatzea ahalbidetzen baitu. Florari dagokionez (mikologia, brikologia eta likenologia), eremu hau oso baliotsua da.

Eremu honetan egiten diren erabilerak, baso,abeltzaintza (Pirineoetako behi arrea eta Ripolleko ardia) eta nakazaritza dira. Turismo eta jolas jarduerak ere egiten dira, bereziki Bracons mendigunean.

MARTXOAK 29: VALLFOGONA DEL RIPOLLES-CASTELL DE MILANY

MARTXOAK 30: PUIGSACALM

MARTXOAK 31: SANT PERE DE TORELLO- LA PORTELLA- BELLMUNT-VIDRA-FORAT MICÓ- SANT PERE DE TORELLO

APIRILAK 1: GALACHOS DE JUSLIBOL ETA MIRANDAKO GAZTELUA

Egun on denoi!!!

Ostiralari hasiera on bat emateko opari batekin gatoz. 

Datorren ostiralean Iñaki Uyarra zarauztarrak 2006 urtean lagun batzuekin Nepalen egin zuen espedizioaren ikusentzunekoa emango digu.  Kun mendira egindako espedizioa!!!

Otsailak 23 arratsaldeko zazpiretan. Pagoeta mendizale elkarteko aretoan izango da diapositiba emanaldia.

Animatu!!

Batzordea